Gjykata e Posaçme e Shkallës së Parë për Korrupsionin dhe Krimin e Organizuar ka rrëzuar kërkesën e Prokurorisë së Posaçme Kundër Korrupsionit dhe Krimit të Organizuar për konfiskimin e pasurive të Elvin Merlikës, familjarëve të tij dhe disa personave të tretë.
Vendimi, i marrë më 7 nëntor 2025 nga trupi gjykues i përbërë nga gjyqtari Erjon Bani, urdhëron gjithashtu revokimin e sekuestros së vendosur më parë dhe kthimin e pasurive tek pronarët e tyre.
Gjykata ka bazuar vendimin në ligjet për krimin e organizuar dhe administrimin e pasurive të sekuestruara, si dhe në jurisprudencën e Gjykatës Evropiane të të Drejtave të Njeriut.