Në selinë e Facebook e prisnin prej kohësh dhe tashmë vendimi erdhi. Dhe është gjoba më e rëndë e vendosur nga SHBA kundër kolosit të web. Federal Trade Commission, autoriteti më i lartë federal që survejon sektorin e telekomunikacionit, ka votuar për një gjobë prej 5 miliardë dollarësh ndaj mbretit të rrjeteve sociale, duke e akuzuar për dhunime të rënda të privatësisë.
Ky është çmimi që krijesa e Mark Zuckerberg duhet të paguajë për skandalin e Cambrdige Analytica, shoqëria kontroverse e mbledhjes së të dhënave që ka marrë në mënyrë joligjore të dhënat e mbi 86 milionë përdoruesve në Facebook. Informacione të përdorura më shumë për qëllime politike, duke pasur parasysh se Cambridge Analytica punonte në 2016 për zgjedhjet presidenciale të Donald Trump, dhe isht e lidhur në atë kohë me strategun e Presidentit në Shtëpinë e Bardhë, Steve Bannon.
Autoriteti mori vendimin me shumicë votash, me anëtarët republikanë që votuan në favor të sanksionit dhe demokratët kundër. Tashmë fjala i takon Departamentit të drejtësisë amerikane por që është thjesht një formalitet.
Gjoba rekord e mëparshme ishte ajo e Google që në 2012 mori gjobën 22 milionë dollarë pikërisht për shkak të shkeljes së privatësisë.