Gjykata e Apelit me seli në Hagë ka refuzuar ekstradimin e Arben Frrokut. Lajmin e ka dhënë avokati i tij Tonin Prendi. Frroku është dënuar me ‘burgim përjetë’ duke u shpallur fajtor për vrasjen e kryekomisarit Dritan Lamaj.
“Ai refuzon kërkesën e shtetit shqiptar për të ekstradur, vendim që është apelur në Gjykatën e Apelit. Ky është një vendim i cili hap rrugën lirimit të Arben Frrokut në shtetin holandez. Tani që ky vendim i dha të drejtë do të xhirojë i lirë në Hollandë. Ka procedura të tjera dhe i lind e drejta të kërkojë azilin politik.
Pretendimet janë atë që dihen nga të gjithë madje edhe nga opinioni publik. Nuk ka asnjë provë që çon implikimin e këtij në këtë ngjarje. Në rastin konkret të kemi parasysh që nuk është hapur as çështja fare, por thjesht një gjykim i të gjtha fakteve. Vendim që është ankimimi edhe në Gjykatën e Strazburgut. Ne insistojmë në faktin që do ta pranojë dhe pa prova, një vendim i marrë nga shfrytëzimit politik në media mbi prova që janë në dosje”, tha avokati.
Arben Frroku u arrestua në Selanik për vrasjen e komisarit Lamaj, por arriti të fitonte pafajësinë në Gjykatën e Shkallës së Parë në 2015 dhe u arratis nga Shqipëria pikërisht në momentin që çështja ndodhej në Apelin e Krimeve të Rënda.
Kjo gjykatë vendosi të rrëzonte vendimin e Shkallës së Parë dhe ta dënonte atë me burg të përjetshëm. Një vit më vonë në 2016-ën Frroku arrestohet në Holandë atje ku pretendon të fitojë azil me justifikimin që ekstradimi drejt Shqipërisë do ta diskriminonte politikisht.