Gjykata e Lartë ka refuzuar rekurset e Fredi Belerit, kryebashkiakut të zgjedhur të Himarës, i cili ndodhet në qeli prej 12 majit, ku akuzohet për korrupsion në zgjedhje, në bashkëpunim me Pandeli Kokaveshin.
Gjykata ka rrëzuar kështu për herë të dytë rekursin e Fredi Belerit, i cili kërkonte një masë më të lehtë sigurie se arresti me burg.
Rekursi i Belerit dhe Pandeli Kokaveshit u shqyrtua në dhomë këshillimi, ndërsa më herët atij i është refuzuar liria edhe nga Gjykata e Posaçme.