Këtë të mërkurë Gjykata e Posaçme rrëzoi kërkesën e Erion Veliajt për zëvendësim të masës së sigurisë ”arrest në burg”. Kërkesa është parashtruar nga avokatët e Veliajt gjatë seancës së informacionit 2-mujor, por gjyqtari Erjon Bani vlerësoi se hetimi ndaj Veliajt duhet të vijojë në masën ”arrest në burg”.
Kërkesa për zëvendësim të masës “arrest në shtëpi” me një masë më të butë, u refuzua nga gjykata edhe për biznesmenin, Elman Abule.
Gjatë seancës, Gjykata u njoh me informacionin dy mujor dhe hetimor të kryera nga SPAK. Sipas Prokurorisë së Posaçme, në këto momente janë realizuar 114 hetimore, duke përfshirë kontrollin e celularëve të sekuestruar si dhe marrjen e dëshmisë.