Gjykata e Durrësit ka refuzuar ti japë mandatin e kryetarit të bashkisë së Durrësit kandidates së PS-së Valbona Sako.
Të gjithë fituesit e PS-së për bashkitë do të merrnin me vendim gjyqësor mandatin për ta quajtur atë të ligjshëm dhe kështu bëri dhe Sako pasi fitoi përballë kandidates së Bindjes Demokratike.
Por kjo kërkesë nuk është pranuar nga Gjykata e Durrësit. Sipas dokumentit zyrtar, Gjykata ka dhënë argumentimin se procesi nuk është i ligjshëm, pasi Bindja Demokratike është regjistruar jashtë afatit zyrtar, duke i bërë këto zgjedhje nul.
Kundër këtij vendimi mund të apelohet në gjykatën e Apelit në Durrës brenda afatit 5 ditor. Ka qenë gjyqtarja Mimoza Margjeka ajo që ka dhënë vendimin.
Ne kete menyre Sako behet kryebashkiakja e pare qe nuk merr mandatin nga Gjykata.
Dokumenti më poshtë është publikuar nga Panorama online.
