Një gjykatëse në Britani ka vendosur se të lësh kolegët jashtë grupit të punës në aplikacionin WhatsApp mund të jetë diskriminim, dhe caktoi 130,000 paundë dëmshpërblim për një hidraulik që ishte nxjerrë nga grupi kur kishte marrë disa ditë pushim si i sëmurë.
Gjykatësja e punësimit Sarah George tha se shefat duhet të kishin një justifikim për të mos përfshirë anëtarë të stafit në grupet e përbashkëta të mesazheve, edhe nëse ata nuk janë në punë.
Vendimi erdhi për rastin e 60 vjeçarit Mark Brosnan, të cilit iu akordua kompensim pasi pretendonte diskriminim në unë kur mori disa ditë pushim pasi ishte sëmurë.
Një nga ankesat e Brosnan ishte se qe përjashtuar nga grupi i komunikimeve të punës pasi ishte mungesë e përsëritur në punë prej dhimbjeve.
Në gjyq u tha se Brosnan nisi të punonte në 2016 një kompani kontraktore të minibashkisë Hounslow në perëndim të Londrës.
Por dhimbjet në kurriz i ndodhnin shpesh dhe u detyrua të merrte pushim 15 ditë.
Pas disa mungesave të kalimet në punë në gusht 2021, atij iu komunikua përjashtimi nga grupi i punës në WhatsApp prej mungesave në punë.
Brosnan rrjedhimisht dha dorëheqjen në dhjetor dhe kompania nuk i pagoi ditët e raportit të sëmundjes.
Gjykatësja mbrojti pretendimin e ish-punonjësit për diskriminim, viktimizim dhe largim të padrejtë nga puna, duke thënë: “Nuk ka pasur asnjë mirëkuptim për sëmundjen e tij dhe kjo dëmtoi besimin e tij te punëdhënësit apo vullnetin e tyre për të ndihmuar në problemin e tij.”
Si rezultat atij iu caktuan £134,411 kompensim pasi “kompania nuk bëri asgjë për të ndihmuar aftësimin e tij dhe rikthimin në punë”.