Oerd Bylykbashi shprehet se vendimi i dhënë nga Gjykata e Apelit për vulën e PD-së është një vendim i marrë nën presionin e Edi Ramës, i cili sipas tij kërkon që të përjashtojë opozitën nga zgjedhjet.
“Nuk ka asnjë lloj ekuivoku, ky vendim i marrë haptas nën presionin e Edi Ramës, që ishte dhe sot në sallë është vendim për përjashtimin e opozitës nga zgjedhjet. Eshtë vendim që ka thyer çdo rregull që deri më sot ka vendosur jo vetëm legjislatori duke pranuar ankimin e një pale që nuk përbën as minorancë. I shërben një qëllimi që Edi Rama mos të jetë përballë opozitë të vërtetë. Sot gjykata zhbëri me këtë vendim nën presion 11 dhjetorin, kuvendin e PD, përpjekjen 1-vjeçare që anëtarët kanë treguar se kush është vullneti i demokratëve dhe opozitës. Vendim që shënon një ditë të zezë për drejtësinë, sot u vra pluralizimi.”