Arrest me burg për Safet Bajrin, Ilir Bajrin, Behar Bajrin, Asmer Bilali dhe Ismet Idrizin ka dhënë Gjykata kët ëtë shtunë, ndërkohë që “infermierja” Jorida Murati është lënë në arrest shtëpie.
Masat u bënë të ditura nga avokati i grupit “Bajri”, Arbër Hoxha i cili në fakt nuk ka pranuar të flasë për Muratin, pasi tha se nuk është përfaqësues i saj.
“Ajo nuk është e mbrojtur prej meje dhe unë nuk jam i autorizuar të flas për të”, tha Hoxha, duke e cilesuar procesin dhe akuzat ndaj personave qe perfaqeson nje fluske sapuni.
“Është e gjitha një flluskë sapuni dhe gjykata për Krimet e Rënda e di po aq mirë që do do të plasë në momentin e parë që cështja do gjykohet në themel. Jo vetëm që nuk janë akuza të reja por janë shkaqet për të cilat është dhënë vendimi i masës së sigurimit në shtator të 2018, e pasi u shua kjo u nxor masa e re për ta zgjatur afatin e hetimeve dhe që të dyshuarit të qëndrojnë në burg”- tha ai.
Sipas tij, jo më larg se dje, arresti me burg e ka humbur efektin për shkak të kalimit të afatit 14 mujor, të vënë nga gjykata. “Kjo tregon se kjo gjykatë zbaton dy standarde”-tha ai.
