Në Institucionin e Presidentit të Republikës, këtë të hënë u zhvillua ceremonia e betimit para Presidentit Bajram Begaj të anëtarit të ri të Gjykatës Kushtetuese, Ilir Toska.
Pas ekzekutimit të himnit kombëtar dhe leximit të dekretit përkatës të emërimit të tij nga Kreu i Shtetit, gjyqtari Toska me dorën mbi Kushtetutën e Shqipërisë, u betua para Presidentit Begaj: “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”.
Presidenti Begaj i uroi suksese zotit Ilir Toska, në detyrën e re të anëtarit të Gjykatës Kushtetuese.