Anëtarët e grupit të Rithemelimit të Partisë Demokratike do të shkojnë sërish këtë të enjte në seli.
Ky i fundit, tha se takimi është lajmëruar të ndodhë rreth orës 11-12 e në të janë thërritur edhe mediat të marrin pjesë. Ndërkohë, në godinën e selisë blu, janë bërë disa ndryshime. Në dritaret e katit të dytë janë vendosur banera të flamurit shqiptar dhe një baner tjetër gjigant ku shkruhet: “Partia Demokratike e Shqipërisë, zgjedhim të ardhmen!”
Ky slogan u përdor edhe gjatë Kuvendit Kombëtar të 18 dhjetorit, kuvend në të cilin u votuan disa ndryshime në statut. Ndërkohë, edhe në katin e parë dyert po izolohen me banera.
Lulzim Basha, nga ana tjetër, këtë të enjte ka zgjedhur të konsumojë një kafe me gazetarët që mbulojnë zhvillimet në PD. Nuk dihen detaje të këtij takimi, ndërsa nuk dihen ende veprimet që do të ndërmarrë në orët në vijim anëtarët e grupit të Rithemelimit.