Dy persona janë arrestuar nga Policia e Tiranës, pasi akuzohen se goditën një mjeke, dëmtuan dyert dhe dritaret e spitalit, si dhe nuk iu bindën urdhrave të punonjësve të policisë.
Në pranga ranë I. S., 41 vjeç dhe B. B., 54 vjeç, të dy banues në Tiranë. Po ashtu, u proceduan penalisht në gjendje të lirë tre persona të tjera.
Këta shtetas, rreth orës 02:00 të ditës së sotme, në ambientet e një spitali shtetëror, kanë goditur me grushte, për shkak të detyrës, një mjeke të këtij spitali, me pretendimin për neglizhencë mjekësore ndaj një të afërmi të tyre, që mjekohej në këtë spital, si dhe kanë dëmtuar dyert dhe dritaret e këtij institucioni.