Policia italiane ka kryer një operacion të madh në burgun e Rebibbia, duke shkatërruar një rrjet të trafikut të drogës dhe përfitimeve. Autoritetet kanë lëshuar 32 masa paraprake, 4 siguronin vërtetime të rreme për disa të burgosur ndërsa 28 të tjerët menaxhonin trafikun e drogës.
Katër persona, dy në arrest shtëpie dhe dy të pezulluar nga shërbimi publik për një vit, akuzohen për deklarime dhe vërtetime të rreme ndaj autoritetit gjyqësor, për korrupsion dhe shpërdorim detyre.
Një psikolog i konsideruar si promotori i sistemit të paligjshëm, i cili me certifikata false synonte të merrte masa alternative për të burgosurit, përfundoi në arrest shtëpie. Hetimi tjetër, që çoi në dhënien e një urdhri ndaj 28 personave, u nis nga monitorimi brenda Rebibbia i një të burgosuri, një personazh kryesor i trafikut të drogës, i cili supozohet se ka pasur kontakt me psikologun.