Policia greke ka goditur një rrjet të madh trafiku prostitucioni që vepronte në Athinë dhe Selanik.
Anëtarët e bandës shfrytëzonin vajza dhe gra për prostitucion. Në fillim i joshnin duke u premtuar një punë me rroga të larta dhe kushte të mira, ndërsa më pas i dhunonin dhe i detyronin që të merreshin me prostitucion.
Në total janë arrestuar 22 persona në Athinë dhe Selanik, ndërsa janë shpëtuar 51 gra, viktima të organizatave kriminale. 51 gratë që u shpëtuan janë me kombësi; 48 të Kolumbisë , 2 të Venezuelës dhe 1 e Shqipërisë , të cilave iu dha ndihmë dhe mbrojtje.