Ministri i Ekonomisë, Kulturës dhe Inovacioni, Blendi Gonxhja priti këtë të premte në një takim një delegacion të Emirateve të Bashkuara Arabe, të kryesuar nga ministri i shtetit për Tregtinë, Thani bin Ahmed Al Zeyoudi.
Gonxhja informoi se gjatë takimit u diskutua mbi rrugët për investime konkrete në disa sektorë strategjik të ekonomisë. Investimet nga Emiratet e Bashkuara Arabe në vendin tonë janë rritur ndjeshëm vitin e fundit, ku vetëm gjatë 6 muajve të parë të këtij viti, ato kanë arritur në nivelin e 51 milionë eurove.
”Zhvillimi i qëndrueshëm ekonomik i Shqipërisë ka tërhequr ndjeshëm vëmendjen e investitorëve të huaj, ndaj është detyra jonë të përmirësojmë klimën e biznesit dhe të lehtësojmë procedurat administrative për t’i bërë të mundura këto projekte madhore”, tha ai.
