Dy javë kohë për të vërtetuar vdekjen e Admir Muratajt. Kështu është shprehur Gjykata për Krimet e Rënda në seancën e sotme, ku veç certifikatës së vdekjes, kërkoi të paraqesë dhe prova të tjera, si akt ekspertime të vendit të ngjarjes.
Admir Murataj dyshohet se mbeti i vrarë në grabitjen spektakolare në Rinas, ku akuzohet si organizatori i saj. Procesi ndaj tij pritej të niste ditën e sotme.
Lexo edhe: Mbesa e Admir Muratajt: E pres të me thotë zemra xhaxhit, do ngelet në histori
Gjykata vendosi që seanca e radhës të mbahet më 2 maj në orën 09.00. Admir Murataj ishte në kërkim si organizatori i 3 grabitjeve me blinda në harkun kohor të 2015-2017, ndërkohë që mbeti i vrarë në grabitjen e fundit në Rinas.
Grupi i tij u dënua gjatë marsit me më shumë se një shekull burg, ndër ta edhe vëllai i Admir Muratajt, Aleksandër Murataj.
Lexo edhe: Zbardhen 13 identitetet që ka përdorur Admir Murataj