Një argjendari në zonën e Paskuqanit është grabitur ditën e sotme nga persona ende të paidentifikuar, të cilët dyshohet se kanë vepruar nën kërcënimin e armëve të zjarrit.
Sipas burimeve, dy autorët e dyshuar të grabitjes kanë lëvizur me motor pas kryerjes së ngjarjes.
Deri në këto momente nuk ka informacion nëse nga grabitja ka mbetur ndonjë person i lënduar.
Menjëherë pas njoftimit, në vendngjarje kanë mbërritur forcat e Policisë, të cilat po punojnë për identifikimin dhe kapjen e autorëve, si dhe për zbardhjen e plotë të rrethanave të grabitjes.