Grabitet me dhunë banesa e gjinekologut në Librazhd, autorët i marrin miliona lekë

Një banesë ka rënë pre e grabitjes gjatë natës në Librazhd. Ngjarja ka ndodhur në lagjen nr.1 të këtij qyteti, ndërsa banesa që u grabit është e mjekut gjinekolog Kujtim Albrahimi. Dyshohet se autorët nën kërcënimin e një thike kanë hyrë në banesën e shtetasit Kujtim Albrahimi dhe kanë marrë një sasi prej 10-12 milion lekësh të vjetra si dhe disa bizhuteri. Në momentin e grabitjes në banesë kanë qenë vetë mjeku Albrahimi dhe bashkëshortja e tij. Të dy kanë mbetur të plagosur lehtë për shkak të dhunës së ushtruar nga grabitësit.