Oltion Veseli 38 vjeç nga Kruja është njëri nga autorët e grabitjes që ka qenë brenda në aeroport në pistë në datë 9 prill kur u grabitën thasët me euro. Veseli është personi që duket në foton e mëposhtme me shpinë nga Admir Murataj që u ekzekutua. 38-vjeçari me maskë në fytyrë dhe armë është fiksuar në momentin e grabitjes, ndërsa personat e tjerë që janë arrestuar kanë qenë bashkëpunëtor për makinën dhe armët. Oltion Veseli që ka qenë edhe imam i vetëshpallur në xhaminë e Krujës është i vetmi nga të arrestuarit që ka qenë pjesë direkte e grabitjes, raporton report tv.
Veseli kishte përgatitje ushtarake me forcat talebane në Afganistan. Veseli është arrestuar në 2005 nga trupat amerikane gjatë një operacioni kundër talebanëve dhe mbështetësve të tyre në Afganistan. Ai ka qëndruar në burg gjatë gjithë kësaj kohe dhe më 25 qershor 2006 u kthye në Shqipëri. Ai ka qëndruar për më shumë se një vit në burgjet amerikane në Afganistan, i dyshuar si terrorist islamik dhe pjesëtar i guerrilasve talebanë dhe më pas është kthyer në 2006. Oltion Veseli është kushëri i Ernest dhe Dash Kupës që janë në burg për grabitjen në 2017 në Qafë Kashar. Ai nuk ka qenë asnjëherë imam i vendosur nga KMSH-ja në Krujë, por i vetëshpallur.