Ministri i Brendshëm Sandër Lleshaj në një deklaratë për mediat, tha se për grabitjen e Rinasit një ditë më parë nuk kanë funksionuar mekanizmat e sigurisë që janë në përgjegjgësi të koncesionarit të aeroportit.
Madje, Lleshaj shkon më tej duke thënë se koncesionari dhe kontraktori i tij nuk kanë arritur madje as të sinjalizojnë policinë. Kompania ka dështuar të përmbushë përgjegjësitë e saj për parametrat e sigurisë fizike.
“Koncesionari jo vetëm që ka refuzuar zbatimin e kërkesave të shumta të policisë së shtetit, për marrjen e masave në drejtim të sigurisë fizike, në shumë raste nuk ka kthyer as përgjigje formale për korrespondencën zyrtare. Autorietet shtetërore shqiptare do të marrin masa ligjore të menjëhereshme dhe të forta duke garantuar të gjitha parametrat dhe standardet në aeroportin e Rinasit. Siguria e jetës, e pronës dhe kombëtare prevalon mbi të gjitha”, tha Lleshaj.
Ndërsa për bandën e grabitësve minsitri i Brendshëm tha se ka marrë goditje shkatërruese pas humbjes së djeshme të një anëtari të saj. Teksa operacioni policor vijon për kapjen e anëtarëve të tjerë të bandës së grabitësve.