Kryetari i Kuvendit Gramoz Ruçi, përshëndet votimin nga Parlamenti i Greqisë të Marrëveshjes së Prespës për ndryshimin e emrit të Maqedonisë.
“Ratifikimi nga parlamenti i marrëveshjes së Prespës është një veprim kurajoz dhe kontribut për paqen i fqinjit tonë jugor, Greqisë. Ky vendim mund të merrej nga nga një qeveri dhe parlament vizionar. Marrëveshja midis fqinjëve tanë, Maqedonisë së Veriut dhe Greqisë, tregon se Ballkani po çlirohet nga inercitë shekullore, që kanë ngadalësuar, por nuk mund të pengojnë emancipimin e gadishullit.”, thuhet në prononcimin e kryetarit të Kuvendit.