Personat që kanë një ide biznesi dhe duan të vetëpunësohen, duke ngritur një sipërmarrje të mirëfilltë, kanë mundësinë që deri në datën 20 Tetor të aplikojnë për të përfituar mbështetje deri në 500 mijë lekë. Agjencia Kombëtare e Punësimit dhe Aftësive ka hapur aplikimet për të gjithë të interesuarit.
Sipas njoftimit, punëkërkuesit me të drejtë aplikimi janë ata individë të papunë, të regjistruar në strukturen vendore të punësimit dhe që kanë një ide biznesi, e cila nuk është në kundërshtim me kriteret e konkurrueshmërisë, të përcaktuara në dispozitat e Kodit të Punës dhe që deklarohet në bazë të formulari të posaçëm.
Punëkërkuesit duhet të paraqesin pranë strukturës përkatëse vendore të punësimit ose të ngarkojë në mënyrë elektronike dokumentat si: Formularin e aplikimit;Vërtetim që personi nuk ka detyrime tatimore; Kopje të dokumentit identifikues. Fondi i nxitjes së punësimit mbulon shpenzimet për: Grantin për hapjen e biznesit të ri; Vlerësimin e planit të biznesit.
Programi i Vetëpunësimit për vitin 2021 do të zbatohet në të gjithë vendin. Nëpërmjet trajnimit mbi vetëpunësimin, këshillimeve të vazhdueshme gjatë gjithë fazave të programit, dhe mbështetjes financiare (në formën e pajisjeve dhe / ose materialeve), programi asiston në transformimin e ideve në biznese të qëndrueshme.