Sipas vlerësimit të Kate Winslet, gratë pas të 40-ve janë më seksi.
Aktorja fituese e çmimit Oskar tha se gjërat ndryshojnë me kalimin e viteve, ndaj iu bëri thirrje grave pas moshës 40 vjeç që ta pranojnë veten dhe të metat gjatë kësaj faze.
“Unë jam 47 vjeç dhe ka disa gjëra që nuk janë ashtu siç do të donit të ishin. Por kështu është realiteti. Mendoj se kur femrat kalojnë të 40-at, veçanërisht të 45-at, dhe mendojnë se ky është fillimi i rënies së bukurisë së tyre. Disa situata ndryshojnë por ne duhet të përpiqemi për të treguar të kundërtën. Jemi bërë më ‘femra’ në të 40-at, jemi më dinamikë, më seksi. Ne jemi më shumë vetvetja, kemi mundësinë të flasim për atë që mendojmë dhe të mos kemi frikë nga ajo që mendojnë të tjerët për ne, të mos kujdesemi aq shumë për pamjen tonë”, tha aktorja.