Një shqiptar ia ktheu në makth jetën një 28-vjeçareje greke pasi u njohën bashkë në Facebook.
Ndryshe nga çfarë i kishte premtuar se do ta punësonte si nëpunëse në kafenenë që kishte në Kolonos, shqiptari e burgosi 28-vjeçaren greke në një bodrum në Çaidar dhe e çoi në bordello në Athinë.
Viktima tregoi tmerrin që kaloi në duart e shqiptarit ku rrëfeu trajtimin kafshëror që i bëri ai pasi e kishte goditur me grushte dhe shkelma në të gjithë trupin, duke përdorur edhe zinxhirë të trashë, deri në atë pikë sa dhe shtëpitë publike e kthejnë mbrapsht, pasi nuk mund të punonte nga shenjat që nuk mund të mbuloheshin as me makeup.
“Kur i thashë se nuk dua ta bëj këtë punë, ai filloi të më godiste me inat në të gjithë trupin tim. Me shkelma, grushta dhe shuplaka, më goditi shumë keq dhe më la shenja në të gjithë trupin. Ngaqë nuk e duroja dot më drurin, i thashë se do të shkoja në punë dhe vetëm atëherë ai pushoi së rrahuri. Pa u rikuperuar më tha të vishja këpucët që të më çonin në dyqan për të gjetur punë direkt”, -thotë vajza.
Në verën e vitit 2020, ishte ajo që do të ndryshonte përgjithmonë jetën e vajzës 28-vjeçare. Siç thuhet në dosje në verën e vitit 2020, përmes aplikacionit të rrjeteve sociale “FACEBOOK” është afruar 28-vjeçari shqiptar, i cili është prezantuar si pronar i një kafeneje në zonën e Kolonos. Me nxitjen e tij, vajza 28-vjeçare pranoi ofertën e tij për të punuar si kamariere. Në përfundim të turnit, shqiptari, duke përfituar nga pamundësia e saj për të rezistuar, ndoshta për shkak të konsumimit të alkoolit, e çoi në një apartament në katin e pestë në rrugën Paphos në Athinë”.
28-vjeçarja ishte dhunuar aq shumë sa që edhe në bordello ishin të tronditur nga shkalla ekstreme e abuzimit.