Ish-i dërguari i Shtëpisë së Bardhë për dialogun Kosovë-Serbi, Richard Grenell akuzon kryeministrin Albin Kurti për zhvillimet e tensionuara në veri të Kosovës.
Grenell u shpreh se Kurti iu nxori “gishtin e mesit” kërkesave të SHBA-ve dhe BE-së për depërshkallëzim e situatës.
“Joe Bideni dhe Evropianët e ngritën një vijë të kuqe javën e kaluar. Ata thanë që Albin Kurti duhet ta de-eskalojë (situatën) dhe të nisë zgjedhjet e reja menjëherë. Këtë mëngjes, Kurti iu ngriti gishtin e mesit dhe e përshkallëzoi më tej situatën”, shkruan ai.
Ish-emisari i SHBA-së tha se shtetet nuk po e respektojnë Joe Bidenin. “Tjetër vijë e kuqe e shkelur, shtetet nuk e respektojnë Joe Bidenin”.