Një grua 30-vjeçare, e cila ishte shtatzënë, humbi foshnjën e saj, pasi ra pre e disa grabitësve, të cilët e dhunuan për t’i marrë shumën prej 2000 euro që kishte në çantë. Ngjarja e rëndë ka ndodhur në Kilkis, Greqi.
30-vjeçarja ka qenë duke ecur me bashkëshortin e saj 35-vjeçar dhe pesë fëmijët e tyre të mitur, si dhe një tjetër të afërm. Ata kishin marrë përsipër të ndihmonin një bandë trafikantësh prej katër anëtarësh për të kaluar ilegalisht drejt BE-së.
Por, në një moment,një prej trafikantëve sulmoi gruan shtatzënë, duke e rrahur dhunshëm për t’i marrë 2000 euro që kishte. Një nga fëmijët e saj e kuptoi ngjarjen dhe u përpoq të mbronte nënën e tij, por edhe ai u godit, duke shkaktuar lëndime të lehta. 30-vjeçarja dhe fëmija i saj 6-vjeçar u dërguan në spital, ku mjekët konstatuan se shtatzënia ishte ndërprerë.