Greqia ka vendosur të mbajë të mbyllur pikën e kalimit kufitar të Kapshticës deri më 8 mars. Sipas një njoftimi të drejtorisë vendore të Kufirit dhe Migracionit në Korçë, deri në këtë datë dalja nga Shqipëria dhe hyrja drejt Greqisë nëpërmjet kësaj pike do të jetë e mbyllur.

NJOFTIMI I PLOTE

Drejtoria Vendore e Kufirit dhe Migracionit Korçë.

Stacioni i Policisë Kufitare Kapshticë:

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 08.03.2021.

Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash). Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojë.

Duke ju falenderuar për mirëkuptimin.

PËRGJIGJU

Please enter your comment!
Please enter your name here