Pas festimeve të ndërrimit të viteve Greqia ka rivendosur një “lockdoën” në të gjithë vendin nga 3 deri më 11 janar.
Të gjitha njësitë shitëse që u hapën për festat me metodën click away, parukeritë dhe qendrat estetike rimbyllen sërish ndërkohë që ndalohet qarkullimi 21.00-05.00.
Gjithashtu rikthehet dhe masa e kontrolleve të rrepta dhe gjoba për shkeljen e lockdown, pa SMS apo leje nga puna.
Zëdhënësi i qeverisë greke, Stelios Petsas deklaroi se lehtësimet për festat ndalojnë nga 3 janar deri të hënën 11 janar. Qëllimi është të ulet shifra e të infektuarve dhe të rihapen shkollat fillore nga 11 janari.
“Qëndrojmë në shtëpi nga 3 janar deri në 11 janar për të mbrojtur veten dhe familjet tona, të ulet ngarkesa virale si dhe shifra e të infektuarve”, ka deklaruar dhe kryeministri grek Kyriakos Mitsotakis