Anëtarja e kryesisë së Partisë Demokratike, Grida Duma ndërsa foli për përjetimin nga ajo dhe familja e saj për tërmetin tragjik të 26 nëntorit, tha se trauma është kudo.
E furar në “Kjo Javë”, në “Neës24”, Duma u shpreh se ditët pas tërmetit kanë qenë “ditë të kobshme”, ndërsa theksoi se shqetësuese është mungesa e ndihmës psikologjike ndaj qytetarëve, të cilët janë akoma në ankth dhe frikë.
“Trauma është kudo, gjyshërit e mi, edhe për shkak të moshës dhe lidhjes me banesën e tyre, as që largoheshin dhe disa ditë kanë fjetur në oborr. Disa prej të afërmve kanë pasur dëme në katet e para, por fatmirësisht asnjë humbje jete. Ditët e para ka qenë një shkretëtirë shumë e trishtë.
Sidomos ikja pas dy ditësh, ku pati një tjetër tërmet, ky ishte një eksod i qytetarëve të Durrësit dhe ishte shumë e trishtë. Kanë qenë ditë të kobshme. Ende sot nuk ka asnjë siguri se kushdo që jeton në ato rrugë, nga pikëpamja psikologjike e kanë akoma të vështirë. Ndër të tjera gjëra të papërgatitura që patëm, shoqëria nuk e kuptoi që qytetarët durrsakë të ndihmonin veten.
Është një nga traumat më të gjata në historikun e psikanalizës sa i përket pasojave dhe nuk kemi bërë ende asgjë në këtë aspekt. Shikoj në tërësi një negativitet të madh kudo, a është e kurueshme po. A po kurohet? Jo. Prej kohësh kam zgjedhur mos të denoncoj atë që është e vetë denoncuar, boll të merremi me ato që Edi Rama nuk po bën. Në këtë moment, ajo që më shqetëson, më revolton një masë ekstreme, është sjellja e kryeministrit si një xhongler gjendje shpirtërore”, u shpreh Duma.