Kandidatja për deputete e PD-së, Grida Duma në një deklaratë për mediat nga Kavaja, tha se do të ketë rezultat pozitiv për këtë zonë.
Ajo theksoi se ka pasur surpriza në disa zona të cilat konsideroheshin si mbështetëse të majta.
“Lajm i mirë është se në këtë momente fillon numërimi i fitores, jemi drejtuar duke arritur rezultate që nuk priteshin në basionet e PS-së. Po fillojmë të numërojmë kutitë e Kavajës jemi në rezultat të jashtëzakonshëm, edhe Rrogozhina na ka surprizuar për mirë. Njësia e Golemit gjithashtu e plot elemente të bastioneve që konsideroheshin jo të djathta, çdo min që numërohet tani rezulton drejt fitores, unë po e ndjek live numërimin. Jam e bindur se shqiptarët kanë votuar PD dhe Aleancën për ndryshim. Një pjesë e vogël e situatës, me informacionet që kemi po përcakton ngritjen e saj, besoj shumë që Kavaja, deri në fund të jetë fitore e Aleancëns për Ndryshim, ndryshim për shqiptarët”, tha Duma.