Për sulmet kibernetike që kanë nxjerrë në shesh çdo të dhënë personale të shqiptarëve, deputetja e Partisë Demokratike, Grida Duma, ka lëshuar akuza të rënda në drejtim të qeverisë. Për të ende nuk ka një hetim se çfarë ndodhi me patronazhistët, pasi për të bomba nuk filloi me Iranin, por në prill të 2021.
“Ju thoni na ka sulmuar një shtet “gangster” si Irani! Po ju si qeverisje jeni “sivllaznit gangsterë”; sepse ndërkohë që kanë dalë gjithë të dhënat e shqiptarëve sheshit, s’ka më asgjë personale, mund t’i intimidoni dhe kërcënoni me çfarë të doni, e ndërkohë që do duhej të ishin nën hetim, del kryeministri dhe thotë “patronazhistëve u merrni të keqen”.
Ne jemi deputetët e opozitës dhe do bëjmë detyrën tonë për dy arsye: kemi një bombë të një shteti arrogant, por ka dhe një qeverisjes gangstere. Dhe është gangstere që s’i lëviz njëri patronazhistët.
Ju keni zbuluar vetëm autorin si qeverisës. Pra këta që nuk e ruajtën a janë përgjegjës? Do vijoni në sy të të gjithëve të thoni ejani bëjmë sikur? Me cilin e keni këtë pakt që e guxoni! Bomba nuk filloi me Iranin, por me atë që ndodhi prill 2021. A ka përgjegjësi për ato. Çfarë bëhet me patronazhistët? S’ka hetim”.