Grida Duma ka treguar dramën e pas divorcit. Ish deputetja demokrate ka folur për herë të parë mbi këtë temë pasi vendosi t’i japë fund martesës me bashkëshortin ll pas një skandali erotik me kolegun e saj Ervin Salianji.
Sot Duma ishte e ftuar në “E Diell” në rubrikën “Këndi i së vërtetës” përballë Edi Manushit për të folur për disa detaje nga jeta e saj private, veçanërisht marrëdhënien me të birin.
Duma thotë se nuk bën jetë luksoze. Teksa sheh sesi djali i saj hedh shtat çdo ditë dhe ka hyrë në fazën e adoleshencës, ajo tregon se atij ka lluar t’i pëlqejë palestra dhe se nuk rri tërë kohës me iPad në dorë. “Më janë shtuar frikërat që po afrohen vitet që unë do të jem shumë më vetëm pa të”, ka rrëfyer me sinqeritet ajo. Grida ka shtuar se nuk mund të jetë shoqe me të birin dhe kjo e ka një arsye të fortë:
“Nuk mund te jem shoqja e djalit tim sepse njeriu duhet te dijë distancën, ekuilibrin dhe rolet. Po e humbëm këtë, do të thotë se nuk mund ta guidoj. Unë shpresoj që të kem edhe ca vite që ta guidoj”, ka thënë ish-deputetja. E pyetur për raportin që ka me paratë dhe jetën e luksit ajo u shpreh se familja e saj nuk e njeh jetën e luksit: “Nuk bëj jetë luksi, të paktën im bir nuk e njeh çfarë do të thotë jetë luksi. Ai ka marrë gjithmonë dhe ka gëzuar teknologjinë që lë unë, nuk ka marrë njëherë një telefon të ri”.