Jorida Tabaku është e vetmja grua që ka hyrë në kryesinë e Partisë Demokratike me votat e saj të drejtpërdrejta.
Në listën me 15 anëtarë të kryesisë së partisë, të cilët u votuan nga këshilli kombëtar numërohen 5 gra. Por sikurse ka bërë me dije dhe ka saktësuar publikisht Emin Gjana gjatë leximit të listës në këtë përzgjedhje janë respektuar edhe kuotat gjinore.
Për këtë arsye, nga lista e fituesve janë larguar: Ervin Salianji, Aldo Bumci Roland Bejko, Gerti Bogdani dhe Luçiano Boçi, të cilët kanë patur vota të barabarta me anëtaret gra, që kanë hyrë në listën fituese. Gjana ka sqaruar se vetëm Jorida Tabaku ka patur votat e saj për të qenë direkt fituese.
Kujtojme se deputetja Demokrate Tabaku, ka qenë vazhdimisht aktive me denoncimet publike të konçensioneve dhe me çështje të debatuara dhe të ngritura në komisionin e ekonomisë.
