Këngëtarja e njohur me origjinë shqiptare, Dua Lipa, ka treguar gjithmonë se është krenare për prejardhjen e saj dhe nuk harron asnjëherë të na bëj krenar kudo që ajo shkon nëpër botë, duke shpalosur traditat dhe vlerat tona.
Në një video të postuar në “InstaStory” teksa është duke udhëtuar, artistja shqiptare ka filmuar mikeshën e saj duke i mësuar fjalinë në shqip “Hajde zemër”, ku në sfond dëgjohet dhe vet Dua, e cila i përsërit fjalinë për ta shqiptuar sa më saktë. Në fund të dyja vajzat brohorasin nga gëzimi.
Kjo nuk është hera e parë që Dua i mëson të huajve fjalë shqip. E ftuar disa kohë më parë në emisionin “ Sunday Brunch”, këngëtarja u mësoi fjalët shqip prezantuesve, Tim Lovejoy dhe Simon Rimmer si “Faleminderit dhe Mirëdita”, para të gjithë teleshikuesve. Gjithashtu ylli i hitit “One Kiss” ka treguar dhe preferencat e saj që ka për ushqimet traditcionale shqiptare, siç janë byreku dhe pitet.
