Komisioni Qendror i Zgjedhjeve ka numëruar sot kutitë e 11 Qendrave të Votimit për bashkinë e Lezhës, pas kërkesës së paraqitur nga kandidati për këtë bashki, Eduart Ndocaj.
Në përfundim të numërimit rezultoi se në një kuti Ndocaj kishte një votë më shumë se sa ishte në procesverbal, votë e cila i kishte kaluar Pjerin Ndreut në numërim.
Por për kryetarin e KQZ-së, Klement Zguri ankimuesit duhet të kërkojnë listën e zgjedhjeve, kërkesë që e kishte bërë vetë Zguri po nuk ishte pranuar.
“Të drejtën për tu ankimuar e kanë kthyer në farsë. Listat e votuesve qënkan “mollë e ndalume” në këtë proces zgjedhor. Në disa raste kam kërkuar të ketë një verifikim të procesverbaleve të qendrës së votimit, listave të votuesve, është refuzuar. Kemi 11 kuti të hapura dhe realisht një pretendim i tillë refuzohet. Me keqardhje shoh që të drejtën e tyre për tu ankimuar më shumë e kanë ushtruar pëmes një “lideri” se një ndërgjegjësimi”, tha Zguri.
Ndërkohë dhe një ditë më parë PDF e quajti farsë hapjen e kutive. “Qëllimi, jo fort i fshehur është që t’i tregohet botës mbarë se votimet ishin të rregullta e të vlefshme, jo vetëm këtu por në mbarë vendin. Ajo që e nxjerr bllof këtë skemë farsë “dorëzimi të kontrolluar” është se nga frika se mos del në shesh manipulimi me listat e zgjedhësve, në këto qendra, KQZ ka vendosur të mos ta hapë fare kutinë e materialeve zgjedhore”,shkruante Ivi Kaso.
Lexo edhe- Hapja e 11 kutive nga KQZ, PD: Proces farsë për t’u hedhur hi syve njerëzve
