6 vite iu deshën Hysaj të shënonte golin e parë në Serie A, ndërsa me Lazion i mjaftuan vetëm dy ndeshje për të gjetur golin me fanellën e kaltër, i dyti në karrierë në elitën e futbollit italian. Pas një fillim aventure të tmerrshme, ku “bella ciao” për pak i shkatërroi transferimin e tij në kryeqytet, Hysaj përshëndet tifozët lacial me gol për katalog, një vertikalizim prej bomberi dhe një finalizim i bukur.
Një gol me dedikim të veçante, ku me sa duket bashkëshortja e tij është në një pritje të ëmbël.Lazio vijon rrugëtim perfekt në këtë fillim sezoni në Serie A, me Sarrin në stol dhe me Hysaj titullar të padiskutueshëm, kryeqytetasit siguruan fitoren e dytë radhazi, gjashtë pikë të plotë dhe kreu i Serie A. Ndaj Specia protagonistë kryesore ishte Ciro Immobile, autor i një “triplete”.