Kryeministri Edi Rama thotë se harta e re gjyqësore është kjo dhe nuk do të ndryshojë, edhe pse avokatët janë kundër dhe vijojnë pa afat bojkotin.
“Është ajo dhe nuk ndryshon. Habitem që ka akoma individe dhe grupe që besojnë se me qeverinë që unë drejtoj flitet me bojkote dhe shfaqje kokëfortësie pa zë. Ne këtu jemi. Harta gjyqësore është ajo dhe nuk ndryshon. Shqipëria nuk mund që të mbetet peng i vetëvetes dhe i të kaluarës. Shqipëria nuk është Kina, as SHBA. Jemi vend i vogël”.