Një 26-vjeçar i cili posedonte tre doza kanabisi e ka hedhur atë në tokë sapo ka parë policinë dhe është larguar me vrap. Efektivët e “Shqiponja” po patrullonin në zonën rrugën “Ndre Mjeda” kur panë të riun e dyshimtë, dhe u vunë në ndjekje të tij.
Përveç kësaj, A.C gjatë prangosjes ka kundërshtuar punonjësit e policisë dhe nuk i është bindur urdhrave të tyre.
NJOFTIMI
Tiranë
Nga Forcat e Posaçme “Shqiponjat“, në bashkëpunim me Seksionin për Hetimin e Narkotikëve në DVP Tiranë u arrestua në flagrancë, për veprat penale “Prodhimi dhe shitja e narkotikëve” dhe “Kundërshtim i punonjësit të Policisë, shtetasi A. C., 26 vjeç, banues në Tiranë. Forcat e Posaçme “Shqiponjat” duke patrulluar në rrugën “Ndre Mjeda” kanë konstatuar shtetasin A. C., i cili në momentin e konstatimit ka hedhur në tokë tri qese farmaceutike të mbushura me material bimor si ajo e cannabis sativa dhe është larguar me vrap. Gjatë prangosjes ky shtetas ka kundërshtuar punonjësit e policisë dhe nuk i është bindur urdhrave të tyre.