Vazhdon shembja e objekteve të dëmtuara nga tërmeti i 26 nëntorit.
Ditën e sotme është shembur dhe një pallat 6 katësh në zonën e Shkozetit në Durrës.
Kjo godinë është hedhur në erë me tritol përmes shpërthimit të kontrolluar.
Një ekip xhenierësh i Ministrisë së Mbrojtjes është duke punuar krahas ekipeve të ekspertëve, të cilët në të gjitha rastet kur marrin vendimin e rrëzimit të godinave fillojnë punën për hedhjen në erë përmes shpërthimit të kontrolluar.
Ndërkohë shembja do të vazhdojë edhe në ditët në vazhdim, teksa inspektorët po vlerësojnë ndërtesat.