9 këshilltarët e PS-së në Bashkinë e Himarës, së bashku me votat e bashkëpunëtorëve të saj lokale, nuk premtonin surpriza në votimin e ditës së premte. Surprizën e shënuan opozitarët e të gjitha krahëve që i dhanë votën e tyre nënkryetares Blerina Bala. Kanë qenë 3 vota të këshilltarëve opozitarë që shkuan për Balën. Nga Rithemelimi, ishte këshilltario Fuat Mati, nga Partia e Lirisë Timoleo Gërdhuqi dhe i vetmi këshilltar i PD-së së Bashës, Aleks Llazari.
Duket se ata të cilët shkaktuan rrëmujën në mbledhjen e së premtes në Himarë, ishin vetem mbeshtetesit e Vangjel Dules. Ai nuk e fshehu stresin pasdite, ndaj asaj që kishte ndodhur të premten në drekë. Jo nga rezultati, sesa nga menyra sesi ishte votuar.
A ishte votimi në Himarë, një humbje për opozitën? Fakti që nga Berisha e të tjerët nuk ka distancim nga akti i këshilltarëve të tyre e hedh poshtë një hipotezë e tillë, nëse nuk konsiderohet në këtë ekuacion aletati i tyre Dule, i cili që vijon të mbrojë Blerin në burg. Por duket se në këtë çështje, Dule dhe Beleri në Himarë dhe Shqipëri, kanë mbetur vetëm.
Nuk është hera e parë që Himara bashkon partitë shqiptare. Në vitin 2000, megjithëse qeveria socialiste e Metës dhe opozita e Sali Berishës ishin thuajse në gjendje lufte, ata ulën armët dhe në Himarë, mbeshtetën një kandidat të përbashkët.