Pas miratimit në Parlamentin holandez, Holanda ka bërë hapin zyrtar në BE duke dorëzuar kërkesën për pezullimin e regjimit pa viza për shqiptarët në zonën Schengen.
Në një letër dërguar Eurokomisioneri për Migracionin, Çështjet e Brendshme dhe Shtetësinë, Dimitri Avramopoulos, Robert de Groot përfaqësuesi i përhershëm i Holandës në Bashkimin Evropian, ka paraqitur dhe argumentet e Parlamentit të tij për këtë kërkesë që përmblidhen në tre pika.
Lexo edhe- Nëse BE miraton kërkesën e Holandës, ja për sa kohë pezullohet lëvizja e lirë për shqiptarët
(1) një rrezik në rritje ose kërcënim për politikën publike ose sigurinë e brendshme të Shteteve Anëtare, në veçanti një rritje e konsiderueshme në veprat penale serioze, të lidhura me shtetasit e këtij vendi të tretë, të mbështetur nga informacione objektive, konkrete dhe relevante, nga autoritetet kompetente;
(2) një rritje e konsiderueshme e numrit të shtetasve të këtij vendi të tretë që i refuzohet hyrja ose është zbuluar se qëndron në territorin e Shtetit Anëtar pa të drejtë për ta bërë këtë;
(3) një rritje të konsiderueshme të numrit të kërkesave për azil nga shtetasit e këtij vendi të tretë për të cilin shkalla e njohjes është e ulët.
Si përfundim, Holanda i kërkon Komisionit që të shqyrtojë informacionin e dhënë prej saj në konsultim me Shtetet Anëtare, të vendosë për nevojën për të ndërmarrë veprime në mënyrë që sipas këtij shteti, të luftojë në mënyrë efektive problemet e hasura në lidhje me shtetasit shqiptarë.
Ndërkaq, kur Avramopoulos ishte në Tiranë për misionin e përbashkët kufitar me Frontex, tha se nga Holanda nuk ka mbërritur asnjë letër zyrtare, por nëse do të mbërrinte do të bëhej një analizë e kujdesshme. Kjo kërkesë e Holandës vjen vetëm pak ditë pasi Komisioni rekomandoi çeljen e negociatave për Shqipërinë dhe Maqedoninë e Veriut.
Lexo edhe- Avramopoulos: Nuk kemi marrë njoftim për pezullim të regjimit pa viza