Honor ka publikuar një smartphone, i aftë të masë dhe temperaturën. Brandi i Huawei, dedikur për të rinjtë, ka prezantuar në Kinë Honor Play 4 Pro, një smartphone 5G që vjen dhe në versionin special, me sensorë me infrared për të matur temperaturën.
Honor ka sjellë risinë në një video të publikuar në rrjetin social kinez Weibo. Pamjet tregojnë një smartphone që mund të përdoret si termometër, një funksion mjaft i nevojshëm në kohën e koronavirusit.
Mjafton të afrosh pajisjen para ballit apo pulsit për të ditur temperaturën e një personi apo çfarëdo sipërfaqeje. Sensori është pozicionuar në kamerën e pasme, dhe është në gjendje të masë temperatura nga -20 në 100 gradë Celsius.
Çmimi kinez është pak a shumë 400 euro, por ende nuk është thënë se kur kjo pajisje do të dalë në tregun perëndimor.