Një 26-vjeçar shqiptar është dënuar me 16 muaj burg nga një gjykatë në Britaninë e Madhe, pasi u kap duke punuar në një shtëpi bari.
Bëhet fjalë për shtetasin Elsion Koka, i cili më parë ka qenë futbollist, ku ka luajtur për skuadrën e Klosit në Shqipëri.
Sipas mediave në Britaninë e Madhe, ai ishte futur ilegalisht në vend dhe u kap duke punuar në një shtëpi të përshtatur për prodhimin e kanabisit.
Kur policia ndërhyri në shtëpinë e përshtatur në një plantacion kanabisi, ata zbuluan se e gjithë prona ishte dedikuar për prodhimin e drogës me bimët, për të cilat kujdesej Koka.
26-vjeçari nuk ka dënime të mëparshme dhe pranoi se ishte në punë për të fituar disa të ardhura. Edhe avokati Hyëel Davies tha se i pandehuri ishte në Britani për të fituar disa të ardhura më shumë dhe se ishte një futbollist profesionist, teksa një pjesë të fitimeve i dërgonte në Shqipëri për familjarët.