Një tragjedi ka ndodhur në Itali. Pesë punëtorë humbën jetën në zonën e Torinos, pasi u përplasën nga një tren në linjën konvencionale Torino-Milano, ndërsa dy të tjerë shpëtuan për mrekulli.
Aksidenti ka ndodhur pas mesnate në afërsi të stacionit hekurudhor Brandizzo. Treni udhëtonte me 160 kilometra në orë dhe punëtorët po kryenin punë mirëmbajtjeje pranë stacionit të trenit, kur kaloi autokolona teknike, me disa vagonë.
Makinisti është në gjendje shoku, ai u kontrollua nga një ambulancë dhe u dërgua në shtëpi. Ai po lëvizte me një koleg të dytë në kabinë. Rrjeti hekurudhor italian ka reaguar duke i shprehur ngushëllimet familjeve të punëtorëve të ndjerë.
Viktimat janë ende të paidentifikuar ndërsa po hetohet dinamika e aksidentit. Aktualisht është pezulluar qarkullimi hekurudhor ndërsa shumë udhëtime me tren janë anuluar.
