Këtë të martë, Henrik Hoxhaj ka dhënë dëshminë para GJKKO për 4 vrasje të kryera në Durrës, atentatin e vëllezërve Haxhia dhe vrasjen e Dorian Shkozës e Anxhelo Avdisë. Para trupës gjykuese, dha dëshminë për krimet që ka kryer në bashkëpunim me të penduarin e drejtësisë Nuredin Dumani, i cili i kishte premtuar 60 mijë euro për vrasjen e Dorian Shkozës por i dha vetëm 35 mijë. Për vrasjen e vëllezerve Haxhia tha se i dha 30 mijë euro.
Avokatët e Enver Divës dhe Besian Xhixhos, kërkuan të njihen me deklarimet e Henrik Hoxhajt, që ka dhënë më herët me deklarimet e bëra sot.
42-vjeçari Enver Diva, banues në Fushë-Mamurras prej disa vitesh ishte në kërkim pasi ishte arratisur nga burgu i Shën-Kollit ndërsa më herët ka qenë i përfshirë në armëmbajtje pa leje dhe grabititje argjendarie.
30-vjeçari Besjan Xhixha, banues në Larushkë është me profesion berber dhe të dy akuzohen për veprat penale “Sigurimi i kushteve dhe mjeteve materiale për të kryer vrasje” , kryer në bashkëpunim dhe “Mashtrimi”.