Vendosja e Huawei në listën e zezë të tregtisë nga ana e SHBA-së “vendos një precedent të rrezikshëm”, që do të dëmtojë miliarda konsumatorë, thotë shefi ligjor i kompanisë.
Duke folur në një konferencë për shtyp Song Liuping thotë se kjo masë do të prekë direkt kompanitë amerikane dhe vendet e punës.
Uashingtoni ka bllokuar kompaninë kineze, si një shqetësim për sigurinë kombëtare. Por Huawei ka mohuar gjithmoë që produktet e tij të jenë kërcënim për sigurinë, dhe thekson se është e pavarur nga qeveria kineze.
“Politikanët në SHBA po përdorin forcën e një kombi të tërë që vjen pas një kompanie private”, tha ai, duke shtuar se kjo mund të ketë një sërë ndikimesh të mëdha.
“Ky vendim kërcënon të dëmtojë klientët tanë në 170 vende të botës, duke përfshirë më shumë se tre miliardë konsumatorë që përdorin produktet e HUawei dhe shërbimet e tij në të gjithë botën. Duke ndaluar kompanitë amerikane të bëjnë biznes me HUawei, qeveria do të dëmtojë direkt më shumë se 1200 kompani. Kjo do të prekë mijëra vende pune amerikane”, shtoi shefi ligjor.