Një 39-vjeçar shqiptar, që banonte në Itali, ka humbur jetën si pasojë e COVID. Nikolin Ndoni, i cili nuk ishte vaksinuar dhe ishte shtruar një ditë më parë në spital dhe ishte në trajtim intensiv.
Siç raportojnë mediat italiane,, 39-vjeçari, ishte infektuar ne variantin Delta. Ai ndërroi jetë 5 ditë pasi ishte infektuar duke lënë pas gruan e tij dhe djalin e vogël.
Për ndarjen nga jeta të shqiptari ka reaguar edhe kryetari i Bashkisë së Pieve di Soligo.
“Jemi shumë të trishtuar për humbjen e bashkëqytetarit tonë. Ai ishte integruar mirë në komunitet dhe ishte i dashur nga të gjithë. Fakti që vdiq në moshë kaq të re na trishton shumë”, është shprehur Stefano Soldan.