Kryeministri Edi Rama ka falenderuar Vasilika Hysi për kontributin e saj duke folur dhe për emocionet e tij për letrën që deputetja i ka dorëzuar për të cilën tha që është një shembull që jo të gjithë për fat të keq e kanë dhënë.
“Jam prekur shumë nga letra jote se nuk është e zakonshme në ditët tona që dikush të gjejë energji kaq pozitive për të dalë nga kjo valle dhe që duke dalë nga kjo valle të rrezatojë pikërisht këtë energji pozitive, një shembull fantastik që jo të gjithë për fat të keq e kanë dhënë dhe nderi është i yti”, tha Rama.