Me dhimbje e lot në sy babai i 26-vjeçarit të vrarë me plumb në kokë nga vëllezërit Kusi, Batjar Çelaj thotë se i biri, Indriti ishte njeri i qetë dhe se nuk ofendonte njeri.
““Kjo që më ndodhi mua mos i ndodhtë asnjërit. Kjo është fatkeqësi e madhe në Shqipëri. Ti nisesh në punë dhe kthehesh i vdekur është fatkeqësi. E kam marrë vesh nga gazetat. Çuni është vrarë në 11 paradite unë e mora vesh në orën 7 në darkë se i kishin marrë edhe dokumentet. Çunin e kishte marrë policia. Djali ishte në punë, punonte me kondicionerë se ka mbaruar edhe elektriken. Montonte kondicionerët”, rrëfen ai.
Lexo edhe- Kush janë pronarët e vilës që vranë të riun tek “Myslym Shyri”, emra të njohur për drejtësinë
Ai thotë se ishte njeri i qetë, i kulturuar dhe shumë punëtor. “Ma morën djalin në moshë të re. Në fillim të shtatorit do bënim bufenë. Kur vajta në spital vetëm kam mbajtur veten. Sikur të kisha fuqi nuk dija se ça mund të bëja. Ku do kërkoj drejtësi, kush ma zgjidh mua”, thotë ai.
Lexo edhe- I riu ndërroi jetë në spital, u qëllua nga djemtë e pronarit të vilës