Policia e Tropojës ka arrestuar një 22-vjeçar i cili ka kundërshtuar punonjësit e policisë. Sipas burimeve zyrtare J.M., 22 vjeç në Bajram Curri duke udhëtuar me mjetin e tij nuk i është bindur policisë për të ndaluar.
Përveç kësaj gjatë shoqërimit ai ka kundërshtuar dhe ofenduar punonjësit e policisë.
NJOFTIMI
Specialistët e Seksionit për Krimet në Komisariatin e Policisë Tropojë, arrestuan në flagrancë shtetasin;
-J.M., vjeç 22, banues në Tropojë.
Arrestimi i tij u bë pasi, në qytetin Bajram-Currit, duke udhëtuar me automjetin tip “Peugeot”, nuk i është bindur shenjës së ndalimit të punonjësit të policisë, si dhe gjatë shoqërimit ka kundërshtuar dhe ofenduar punonjësit e Policisë.
Materialet në ngarkim të tij i kaluan Prokurorisë së Rrethit Gjygjësor Tropojë, për veprat penale “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të policisë së rendit publik”.